تعلقت في ريمٍ لقيته بسوق حجاب

[الطائر المهاجر]

https://www.tiktok.com/@alfatahilah/...726226?lang=ar

تعلقت في ريمٍ لقيته بسوق حجاب= رماني بسحر الرمش ما اخطى بتهديفه
سألته احسبه مثل حالي غدا منصاب= واثاريه مايدري الهوى او سواليفه
غريرٍ صغير تو مالبّسوه حجاب= مثل مهرةٍ مع امها ترتجف خيفه
تخاف الوحوش اللي تكشّر عن الأنياب= ولا تدري ان الطير قامت بتنتيفه
غدا كنه المسحور مافاد به اطباب= سجينٍ وسجانه تمادى بتكتيفه
بحجز انفرادي لا نوافذ ولا ابواب= ولا يدري بحكمٍ صدر قبل توقيفه
قتيل العيون السود يدفن بلا اسباب= سوى نظرةٍ جابت خريفه قبل صيفه
يقضي العمر يحلم بوهمه ولو كذاب= يجدّف ببحرٍ اغرقه مع مجاديفه
دخيلك انا ما اقوى فموج الهوى غلاب= ألا ويل من ظنه يجي له على كيفه
فحني على من في ربيع العمر قد شاب= وحكم صدر ارجوك ياليت تخفيفه
حرام القتل عن عمد في شرعة الأحباب= فخافي من اللي كمّلك حسن تصريفه

[ضاامية الود]

الله الله الله عليك ياهالعود

اثاريك منت هين الله يصح لسانك

وقلبك والله يفكك من قاتل ثاني


وهني نفسي اني اول من يتصفح الشامخه

تحياتي وتقديري

[الطائر المهاجر]

هلا بك
سبق ان سألتك انتي ضامية خويتنا واللي طلبت تغيير الإسم لإسم ثاني او لا؟
تحياتي

[همس الورد]

الله عليك يا دكتووووووووووووور

صج لسااااااااانك مليون

و صح بدنك

قصيدة رائعة

لاهنت

[عذب القوافي]

صح لسانك / أبوعبدالله

نص وافي من وافي لله درك

من مبدع نص عاطفي رائع

تقديري ,,,,,,

[زهرة اللوتس]

لمست

سحابة عشق هنا

فامطرت لي أحرفا اشعلت قناديل الشوق على أرضي

الطائر المهاجر

رائع جدا

استمتعت هنا ..

تحياتي

زهرة

[عبدالعزيز الرقابي]

صح لسانك يابو عبدالله واعتلا شانك

قتيل العيون السود يدفن بلا اسباب
سوى نظرةٍ جابت خريفه قبل صيفه
يقضي عمره يحلم بوهمه ولو كذاب
يجدّف ببحر ٍ أغرقه مع مجاديفه

ياسلام عليك يابو عبدالله

تحياتي الطيبه

[نفحات حساسة]

تخاف الوحوش اللي تكشّر عن الأنياب

ولا تدري ان الطيـر قامـت بتنتيفـه

غدا كنه المسحور مافاد بـه اطبـاب

سجيـنٍ وسجانـه تمـادى بتكتيفـه

صح السانك..طائرنا

ولاهنت..

رائعه عن جد..

يعطيك العافيه..

تحياتى لك وتقديرى.

[نجم الإبداع]

الله الله


صح لسانك وقلبك طائرنا المتجدد

مصافحه رائعه بحق

لاهنت


تقبل مروري

وتقديري

[عمر ال شيبي]

تعلقت في ريمٍ لقيته بسـوق حجـاب

رماني بسحر الرمش ما اخطى بتهديفه

جمال ما يوصف

اللهجه غريبه علي
ممكن تشكيل البيت لافهم تفعيلته
استاذي

صح لسانك لا هنت

رماني بسحر الرمش ما اخطى بتهديفه