الـــمرجــــله

[احمد الجريفاني]

هنيت يا منهو من العقل مسلوب=ما يجرحه لومٍ ولا يبدي عتاب
ولا تشغله دنيا ولا هجر محبوب=ولا يميّز بين ربعه والاغراب
ما هو سواتي جوفه وجار مشبوب=كن الغضى في داخل الروح شبّاب
لا قيل وش بك قلت تكفير لذنوب=ذنْب الوفى عنه ابيض القلب ما تاب
حياتي اللي روحت كنت منهوب=لو قيموها ما سوت حفنة تراب
لا واحسايف عمري ان كان محسوب=ولا حصل لي منه يا كود الانشاب
انا على امري دايم الدوم مغلوب=وش عاد ينفعني لو ابديت الاسباب
ماني على سلم الرجاجيل مغصوب=طبعٍ ورثته قبل ينبت لي الناب
درب الردى صوب وانا عنه في صوب=ماني من اللي لا هرج قيل كذاب
ولاني من اللي نظرته داخل جيوب=ولا ني من اللي لا مدح ينطر حساب
المرجله ماهي عباةٍ ولا ثوب=لا من بغيته تلبسه لجل الاعجاب
المرجله قولٍ وفعلٍ وماجوب=من طالها لازم يبرهج له الباب

[الـزلـزال]

المرجلـه ماهـي عبـاةٍ ولا ثــوب=لا من بغيته تلبسـه لجـل الاعجـاب
المرجلـه قـولٍ وفعـلٍ ومـاجـوب=من طالهـا لازم يبرهـج لـه البـاب

احمد الجريفاني
بوح في قمة الروعه والجمال والجزاله
من شاعر تعودنا منه تقديم مايسر
أبدعت غالينا وأمتعت بكل المقاييس
في بوحك
هنيت مسلوب العقل في بداية بوحك
ونحن نهنيك برجاحة بوحك وتميزه
صح لسانك ملايين ملايين
ولك فائق تحياتي وتقديري

[ياسر عبدالرحمن الخالدي]

صح لسانك وعلا شانك يالشاعر

[نفحات حساسة]

صح السانك..
ولا هنت..قصيده جزله من راس جزل
يعطيك العافيه..سلمت وسلمت يمينك
تحياتى لك..

[منيع]

ياسلام عليك
انت دائما محل الاعجاب والتقدير
بارك الله فيكم
تحياتي وتقديري

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[عدنان كريزم]

احمد ...



مبدع


صح لسانك ولا هنت يالغالي

[عبدالعزيز البليهد]

عزالله كفو يابو فراس

صح لسانك يالطربه

لاعدمنا هذا البوح الجميل

[احمد الجريفاني]

الزلزال الشكر لايفيك حقك دمت بحب

[سناعيس]

المرجلـه ماهـي عبـاةٍ ولا ثــوب
لا من بغيته تلبسـه لجـل الاعجـاب
المرجلـه قـولٍ وفعـلٍ ومـاجـوب
من طالهـا لازم يبرهـج لـه البـاب

الشاعر احمد الجريفاني
صح لسانك ولله درك
دائما جزل
لاهنت


تحياتي