دام المصالح تحكّم في ضعاف النفوس

[الطائر المهاجر]

دام المصالـح تحكّـم فـي ضعـاف النفـوسفلا تامـن الغـدر ياتـي مـن صديـق وقريـب

احفـظ لقرشـك وسـرك لا تصلـه التـيـوسوخلك مع الله يحفظك ف الزمـان الغريـب

لا تقـول هـذا اثـق بـه خـابـره عــن دروستـرى الحصانـي تغيّـر ف اللـبـاس المـريـب

ولا تقـول هـذا الـذي ربّيـت مـابـه حــدوسدمـه ولحمـه اصـيـلٍ مــن اصـيـلٍ عـريـب

ولا تقـول هـذي ملاكـي فتنتـي والـعـروسياما سنينٍ مضـن لـي تحـت غصـنٍ رطيـب

وقـتٍ بـه النـاس بـاعـت دينـهـا بالفـلـوسومعه المبادي توارت مثل شمـس المغيـب

قانونها دوم واضـح مـا حصـل لـه طمـوسخلك حصيني وتفرس لـو بغيـت الـف ذيـب

علمنـي الوقـت مـا انظـر للهرج واللـبـوسانظـر لفعـل الرجـل يخطـي او انـه يصيـب

ولا انخدع بالمصلي واللـي بدقـن المجـوسكم فاسد في صلاته يخفـي وراهـا المعيـب

وكم واحدٍ حط دقنه شان يخفـي الرمـوسكـل الخنـا فيـه يخـدع مــن يظـنـه حبـيـب

ما اشـوف إلا صـور مـن دون فكـرٍ تحـوسواللـي بذاتـه حقيقـي صـار وقـتـه صعـيـب

وكـلٍ يـدوّر علـى مـا ريّـحـه مــن عـبـوسممـنـوع وإلا بوصـفـه جابـهـا مــن طبـيـب

ومعها البعض صار يتقن مكر عند الضروسحـتـى يتمـكـن ويصـبـح للمـبـادي حـريــب

يصيـر همـه يـبـي جــاه ووجــاه ومـكـوسمهما كسب مـن حـرام ولا يخـاف الرقيـب

ومـن عقـب ماهـو ذليـلٍ ينعـرف للجلـوساصبح هو الشيـخ فـي رايـه سديـد ومصيـب

هذا هو الحال فـي عصـر النفـط والفلـوسالخلـق ضاعـت وكـلٍ فـيـه اصـبـح غـريـب

[سناعيس]

علـمـنـي الـوقــت مــــا انــظــر للهرج والـلـبــوس
انـظـر لـفـعـل الـرجــل يـخـطـي او انـــه يـصـيـب
ولا انـخـدع بالمصـلـي والـلـي بـدقـن المـجـوس
كـم فاسـد فــي صـلاتـه يخـفـي وراهــا المعـيـب

الله الله يابو عبدالله
قلت فأجزلت واصبت
صح لسانك مدد
ولاهنت


تحياتي

[عمر ال شيبي]

الله ما اجمل هالقصيده

والله عِدّك معي وشايف اللي يصير وياي

فعلن حكم وصدق الكلام
صح لسانك مليون المليون

[عبدالمحسن الرحمه]

صح السانك دكتورنا الغالي
ابداع يفوق الوصف حكم متناثره
مطرزه بالذهب تسلم ويسلم لنا
هذا الهاجس الفريد الله يزيدك
من فضله ودي قبل ردي

[منيع]

الناس عبيد الدنيا والدين لعق على ألسنتهم يحوطونه ما درت معائشهم فإذا محصوا بالبلاء قل الديانون

الحسين بن علي
دكتورنا الكريم
اجدت وابدعت واصبت في الكثير من ابياتك الرائعة
ودي وتقديري

[سمّار]

صح لسانك يالعود
كلمات ملئة بالحكمه والتجارب
وابيات تدل على سعة افق وبعد نظر
جزله من جزل ووافيه من وافيه
لاهنت

[داعي الشوق]

صح لسانك يا دكتور

شاعر حكيم و سديد الرأي

صح لسانك مليوووووون

ولاهنت

[الـزلـزال]

الطائر المهاجر

نص في قمة الأتقان والروعه والحكمة
من شاعر حكيم ومميز في كل مايقدمه لنا
أبدعت وأمتعت طائرنا
حلق بشعرك فوق قمم السحاب ولنا الأستمتاع به
صح لسانك ملايين ملايين
ولك فائق تحياتي وتقديري

[عبير الورد]

الله الله


صح لساااااانك ملايين

سلمت وسلم منطوقك الجزل

ربي يعطيك العافية

[ابو سيفين]

كم يسعدني الحضور
لهذه الشامخه
شكرا لك
تحياتي وتقديري