أرجو منكم يالفطاحلة الاجابة على تساؤلي!؟

[رفيعة الشان]

وش يعيب الشعر لا كان من منطوق ورده *** وش يعيبه دام منطوقها ذرب وحياوي

والله ان نفح الورود وشعرها مشفي وبرده *** خفف هروج(ن) لهبها محرق(ن) بعض الحكاوي

[الطامي]

المشاركة الأصلية كتبت بواسطة رفيعة الشان

وش يعيب الشعر لا كان من منطوق ورده *** وش يعيبه دام منطوقها ذرب وحياوي

والله ان نفح الورود وشعرها مشفي وبرده *** خفف هروج(ن) لهبها محرق(ن) بعض الحكاوي

يارفيعة شان جانا القاف منش معمولٍ بهرده=مايعاب الشعر بس الناس ماترحم وتاوي
والله ان بعض الشعر لاسمع كنه ضرب قرده=يجعل الأنسان من الاحوال كالخد السناوي

[الطائر المهاجر]

يالله قوهم
انا ابجود الصفوف

[ابو أنس]

ما يعاب الشعر لاوالله بس يزين ورده=وان الفا من فم غاده صار له طعم الغناوي
انما عيبه اذا جا به كسور وصارخرده= من مؤنث أو مذكر مالي بكثر الفتاوي

[محمد عبدالله البدراني]

الله ياسلام


رفيعة الشان + الطامي

لله دركما


وياسلام على مداخلتك يابو أنس مليووووون صح السانك


تحياتي

[رفيعة الشان]

الشعراء القديرين :

الطامي المري
+
الطائر المهاجر
+
ابوانس
+
محمد البدراني

الله يجزاكم خيـــر وكفيتوا ووفيتوا

صحت السنتكم وحياكم الله

[ماجد الزيد]

صح لسانك اخوي

وسبحان ربّي رفيع الشّان =ولاّ جميع الملا سيّان
ياهم على كفر او ايمان=وابليس له سيّه تحمّلها

الشّعر عيبه على واحد ٍ ما صاب فرده=دام نيشانه عماوي وسرحان ٍ يعاوي
من يهاب السبع والذّيب لا يمشي بجرده=يلزم دروب المدينه وللقفر الهواوي

[حوريه]

رفيعة الشان


الطامي


ابو انس

ماجد الزيد

صحت السنتكم

لا خلا ولا عدم

[رفيعة الشان]

مرحباً اخي ماجد

صح لسانك وجزاك الله خيــــــر

[رفيعة الشان]

العزيـــــــــــزة حوريه

بارك الله فيك ومرحبا بك