الطبع شره وحني رأسي ما اريده

[ناصر عبيد الهواوي]

البارح اهوجس واسوي قصيدة=لعلها تخرج من الضيق وآروق
والصدر همه شب فيه الوقيدة=والنوم ابد ماكان يطري على الموق
واقول واهون واغير واعيده=لين انها زانت وشبت عن الطوق
وجت لي معانيها جزال وفريدة=واوضى الجبين ومظلم الشعر مفروق
ويوم انها صارت على مانريده=زوقتها واهديتها داعي الشوق
حيثه ذكي وارياه دايم سديدة=ولي يتضح من منطقه عالى الذوق
ياسعود خذ مني علومٍ وكيدة=فكر بها ربي يفكك من العوق
مرهون قلبي من هاكلحين بيده=وبكفه الآخر جمع كل معلوق
له صار ملك وصاحبه صار سيده=ماهوب يرفق به وماهوب معتوق
له كم سنه عايش بعيشة زهيدة=ومكبلٍ عند اريش العين موسوق
إن قلت اجي لك قال هاذي بعيدة=وإن قلت زرني قال تامرني ابوق
ولا زلت في بالوى ومنة نكيدة=مافيه حاضر دايم الوعد مفهوق
كني (كركتير)ورسوم بجريدة=اروح وارجع ليلي اهرف مع السوق
واصبحت احسد اهل القلوب البليدة=اللي خلية ماسعر جوفها الشوق
والطبع شره وحني راسي ما اريده=لو طاح جسمي ودي بهامتي فوق
ياسعود كان الوضع حله تجيده=شف حلٍ مناسب لوضعي يابن روق
عسى حياتك يالعتيبي سعيدة=وعساك دايم في مسرات ووفوق

[عذب القوافي]

صح لسانك مليون

نص وافي من وافي

لله درك يالغالي

تقديري ,,,,,

مرهون قلبي من هاكلحين بيده =وبكفه الآخر جمع كل معلوق
له صار ملك وصاحبه صار سيده =ماهوب يرفق به وماهوب معتوق
واصبحت احسد اهل القلوب البليدة =اللي خلية ماسعر جوفها الشوق
والطبع شره وحني راسي ما اريده = لو طاح جسمي ودي بهامتي فوق

الهووووااااوي

صح الساانك مدد بلا عدد

راااائعه هذه القصيده

واذن لي اقتبست بعض ابيااتهاا

سلمت ودمت

[سناعيس]

ويوم انها صارت على مانريده
زوقتها واهديتها داعي الشوق
حيثه ذكي وارياه دايم سديدة
ولي يتضح من منطقه عالى الذوق

صح لسانك يالهواوي
ولله درك
وأبو سعد يستاهل وخير من تسند عليه

لاهنت

تحياتي

[داعي الشوق]

سلامتك يالهواوي

وصح لسآآآآآآآآنك يالقرم

و أبشر بسعدك

لي عودة للرد بما يليق
دمت بخير

[محمد عبدالله البدراني]

ناصر عبيد الهواوي

سلمه الله


عزالله انك قلت واجزلت


والله وداعي الشوق كفوو كفوو

اسند على قرم من قروم


قصيده قمه بكل شي


الله عليك يابو عبيد


والله يعين الهواويه


مليون مليون مليون صح السانك ولايسدون


وعلا شانك


لاعدمناك يالهواوي


تحيتي وتقديري

[زهرة اللوتس]

ناصر عبيد الهواوي
سلمت وسلم فكرك
جزلة من شاعر جزل
لاهنت وبيض الله وجهك
تحياتي
زهرة

[الـزلـزال]

مرهون قلبي من هاكلحين بيده=وبكفه الآخر جمع كل معلوق
له صار ملك وصاحبه صار سيده=ماهوب يرفق به وماهوب معتوق

ناصر الهواوي



بوح رائع ومميز


من شاعر متميز وعذب في بوحه



شاهدنا صوت رائع ومتقن وننتظر الصدى




صح لسانك ملايين ملايين


ولك فائق تحياتي

[همس الورد]

صح لسانك اخي الكريم

وبيض الله وجهك

قصيدة في غاية الروعة

تحية طيبة

[سالم منصر الجعيدي]

ناصر الهواوي

شاعر جزل مبدع ياناصر صح منطوقك يالذيب وافي من وافي