اقتباس:
المشاركة الأصلية كتبت بواسطة الطائر المهاجر
عطوني مهرةٍ حره شفوقه = تعرف الحر ما تهضم حقوقه
ولكن هالزمن والخلط حاصل= يخَدْعك صفر يلمع في بروقه
معادن تنكشف عند الحراره = ويبقى الماس كامن في عروقه
فلا تغتر في اسم وقبيله = ولا يخدعك تمرٍ في عذوقه
مدام الأصل صار اليوم يشرى= فلا تاثق بمن نبّز عموقه
تعرف الحر من عقله وفعله= ومن زلة لسانه في نطوقه
ووضيع الأصل لو بالهرج مثّل= الا ياسرع ما يبدا نزوقه
فبعضٍ لا لقت رجّال طيّب= بلا تقدير تبدا في حروقه
تشوف الطيب في مثله دليله= على ضعفه وتطمع لو تسوقه
ولا تدري بأنه لو تصبّر = تجي لحظه وينزعها خفوقه
مثل هذي جدار لا تفيا = ترى ينهار لا كثرت شقوقه
عليك بمهرةٍ حره اصيله= اذا جار الزمن دايم سبوقه
لتقديرك ولو بالضعف بادي= معك في كل احوالك صدوقه
تربي رجال بالأفعال تذكر= ولا تلقى بهم نفسٍ عقوقه
يبروا فيك ماينسون فضلك = وعليها قلوبهم دايم شفوقه
|
صح لسانك استاذنا والقول ما يجي من فراغ الين انك حكمت وعدلت
رسمت الواقع بعفو وتفاني = وقلت القول مرغوب ٍ شروقه
حكم ما ينخدع من هو تقدم = لصوب الراي من شاور لحوقه
بنات الاصل من تسكن وطنها = تعيش برغد ما تقرب سلوقه