[حرف وشعر]

المشاركة الأصلية كتبت بواسطة عبير الورد

ياحروف الشعر جاك الضيف ضاوي = شال همن بالحشا عيا يهيد
اسمعي له يوم قدم لك شكاوي =وترجمي له نزف جرحه بالقصيد
من تعمق بالغلا يطويه طاوي = كن جرح القلب لعروقه يبيد
شفت ذيب الهجر بالمشراف عاوي= واشهد ان البعد ماعنه محيد
ارتكي للهم لوما كنت قاوي=لو على الخد الشقي دمعي يزيد
من وقع بالحب واصبح به شقاوي =يجذب الونات ويجر النهيد
والمحبة مابها عدل وتساوي= والغلا يمتاز به شخصن وحيد
يسكن المعلوق ويجر الغناوي=ويتمشى وسط دمه دون قيد
واعذابي من هواي الجرح كاوي= واعذابي من غثا الوقت العنيد
عاشقن لي ياملا حرن نداوي = مع هل الطولات له راين سديد
وهو يبادلني الغلا ماهوب غاوي = مير طبع الحظ للعاشق نكيد
ماحسبت ان اللقاء يصبح مناوي = لين طالت قسوة الوقت الشديد
ياعسى عقب البطا يرحم وياوي = ويكسب المعروف في قلبن شهيد
لو يعود والله اني له فداوي = يوم شوفه اشهد انه يوم عيد

عبير الورد ياسلام ياسلام ياسلام

تصفيق حتي بكره لهذه الدره الرائعه بكل

المقاييس

بحر انتي