[عمر ال شيبي]

المشاركة الأصلية كتبت بواسطة جلال ابراهيم الصبيح

السلام عليكم ورحمة الله وبركاته

دنيا عجيبه لا تأمن لدنياك = خلي مخافة ربك اللي تمشيك
واحذر من اللي لا ضحك في محياك = ياخذ سهامه وانت مقفي ويرميك
ورفيق عمرك لو يحبك وخاواك = احذره لو حتى بهالعين يحويك
واحذر تهين العرض والعرض سفاك = واحذر تخون الجار مهما يعاديك
خلك قوي لا ضاق وقتك وعاداك = واصبر لعل الله مع الصبر يهديك
وامشي مع الصادق ولايهون ممشاك = ترى طريق الصدق مافيه تشكيك
ودرب الكذب مليان عثرات واشواك = لا تحسب ان الكذب دربه ينجيك
ولا تسأل المخلوق هذا ولا ذاك = اسأل عظيم الشان ربك ويعطيك
لا يخدعك مظهرك وتقول مقواك = تذكر الأخرى وموتٍ يناديك
وحاذر من الشيطان لو هو تحداك = و بالهرج والأهواء يا صاح يغويك
نقي السريره بل وصفّي نواياك = بتعيش مرتاحٍ ولا شي يشقيك
هذي نصايح لجل تسعد بدنياك = ويرضى عليك الرب دايم ويرضيك

ارحب يا جزل النصيحه

صح لسانك لا هنت ابد