[داعي الشوق]

يا ناعس الطرف كم حاولت نسيانك = و ازريت لا انساك لو كان انت ناسيني
حبك تمكن بقلبي رغم هجرانك = باقي على العشرة اللي بينك و بيني
ياما تحملت لكن زاد طغيانك = احرقت قلبي و اشوف الوقت يطويني
منولٍ تعزف الحاني على الحانك = و اليوم وين انت يا خلي وانا ويني
ماعاد لي مجلسٍ في وسط ديوانك = نهجك تغير علي ما عاد يرضيني
أثــّر عليك الدلال و طعت شيطانك = وانا احسب انك مدى عمرك مصافيني
انشهد اني صرفت النفس من شانك = عن جملة البيض و دروب المحبيني
الحب ماهوب ضحك و هرج بلسانك = الحب امانه مع الناس المواميني
تقطع حبال الموده ويش برهانك = يازين ما عندك مروّه و لا ديني