[يوسف الشقران]

السلام عليكم ورحمة الله وبركاته


عذرا لانقطاعي عن المنتدى
ويعلم الله ان المنتدى ومن فيه عزيزين علي

وارجو الا يتكرر هذا الانقطاع

ــــــــــــ

اليكم....



ودي بسنة

ودي بسنة وحدة على مر السنين = طول العمر تنعاد لي نفس السنة
وياك و ويا الليل والغربي يزين = والبدر يضوي في سناه الأمكنة
حلمي وأعيشه في خيالي كل حين = وأبني عليه آمال ماهي ممكنة
غير المنى ياليت عني تعرفين = ذاتي لذاتك كيف صارت مدمنة
واقع رفضته واعذرك لو تبعدين = يبقى الغلا مايوم غادر مسكنه
سر الهوى حلم وخيالات وحنين = وآمال يرسمها العفاف ابولدنه
محسود ولا عاتب عليك الحاسدين = مسحور ولا اقول الطلاسم شيطنه
حلم العمر كله سنة لو تسمحين = مهما يطول الوقت هذا ديدنه
ماقول غير الله رب العالمين = طول السنة حلم العمر نستوطنه

والف شكر


ـــ