[سامي احمد الفيفي]

لــوقـــد مـاتــاخــذ الأيـــــام تـعـطـيـنـي
مـاصــرت تـقــرا مـــن عـيـونـي بــلاويَّــه

آمـنــت بالله مـسـعـدنـي ومشـقـيـنـي
لــولاه رحـــت ف: حـوادثـهـا الطبيـعـيـة

مـابـيــن قــــدرات وأحــــلام تـمـنـيـنـي
أعـيـش حـيـرة تـشــد الـوهــم جـبـريـة

يتحـقـق الحـلـم صـعـب ويـنــه وويـنــي
والصـعـب جــدا أجــر الخـطـوة خلـفـيـة

يـاشــمــس آذار وريـــنـــي قـوانـيــنــي
وهلي على البال من عاداتـي وسميـة

تكسر مجاديفي بلـوى وبلـوى تعمينـي
وتـضـيـع حـتــى الـبـرامـج الاحتيـاطـيـة

كــم عـــادة ألـحــق ومـاعــاد يمـديـنـي
قفـت بـهـا اخــلاق نــاس مــن حوالـيَّـه

علمـت نفسـي بـأن نفـسـي تداويـنـي
وان جابـت المـوت لـي عـادي ويـا حيّـه

أهـــم قـدسـيـة عـنــدي بـعــد ديــنــي
بيـاض وجـهـي مــع الـنـاس السنافـيـة

مانيـب اخـاوي بحكيـي واقـصـر يديـنـي
لومـال مالـي وراحــت روحــي اضحـيـة

في خاطري ألف شكوى من يشكويني
والفيـن شرهـة عـلـى اللـيـل وطـواريـه

مــن بـعـد مــا كـانـت قــروم حوالـيـنـي
انـطـح بـهـم فـيـلـق حـظــوظ شـقـاويـة

حذفني الوقت في غفلـه مـن سنينـي
عـلــى شـعـيـبٍ كــــرع طينـةحـرامـيـة

يا اهل السعودية شوفـوا حـل يرضينـي
أمــا الصـبـر مستحـيـل وكـبـدي معـيـة

لا تستميتـي خـطـاوي بـحـث ياعيـنـي
فـي ذمـتـي ماخـلـق مـثـل السعـوديـة

شعـب يخاشـر دمـايـة فــي شراييـنـي
وارض أفـاخــر واكـحِّــل مـنـهـا عـيـنـيَّـه

دارت عـلــى الـدوايــر وأثــــرت فـيـنــي
واصـغـر مواليـدهـا اخـلاقــي التـجـاريـة

كـثَّـرت مــن ضيـقـة الخـاطـر معاديـنـي
وادمـنـت شــرب الـزجـاجـات العـدائـيـة

هـاجـرت بــس ماهـجـرتـك ياعنـاويـنـي
ويــابــلادي ويــــا عــمــري ويــــا ريّـــــه

ويـاصـفـائـي ويـاطــيــري وبـسـاتـيـنـي
ويـاشـمـوس الـعـمـر وأحـلامــه و فَـيّــه

ويـامــدار الـفـكـر لـــو كــــان يـكـويـنـي
بالـشـوق والـحـب والخلـطـه الحنينـيـة

بيـنـي وبيـنـك بـحـر يـاخـوف تنسيـنـي
وامــســي مــجــرد حـكـايــات روائــيــة

أنـا سقيتـك عسـل وانـتـي سقيتيـنـي
عشـق كتبـه المطـر فــي خــد جـوريـة

عشقـتـك بـكـل مــا أحــوي ويحـويـنـي
يــا اوّل غــلا عـشَّـش بقـلـبـي وتـالـيّـه

أنـتـي بــلاد السـعـد والطـهـر يـرويـنـي
نسـيـمـك المنـبـعـث بـاحـلـى معـانـيّـه

إذا الشـعـوب التـقـت وســط الميـاديـنِ
وفـاخــرت كــــل جـنـسـيـة بجـنـسـيـة

أنـا سعـودي ومــن أرضــي نـبـع ديـنـي
قــف عـنـد حــدك إذا جــات السعـوديـة

تغريـبـتـي جـابــت عــلــوم تـواسـيـنـي
لـــو انّـهــا تـكـسـب اخــــلاقٍ تـجـاريــة