[شجون القصيد]

.

. .

. . .

تعودنا على جرح الحبايب = وجرّتنا بهالدنيا المصايب
احد يشري غلاك تصد عنه = ويرجي بالموده وانت غايب
واحد ودك بوصله ويتغلى = عجايب يازمن والله عجايب
تحب انسان لكن حب غيرك = وغيرك قد تخيّر له صحايب
دواليك الحياة اللي رمتنا = جرينا خلفها والراي خايب
قليل اللي تهنا في حياته = وقليل اللي طلع منها بصايب
حبايب عاشو الدنيا غلابا = جروح وهم وايامٍ عصايب
والا ارخى الليل باستاره عليهم = يروح الوقت آهات ونحايب
يشوفون الوصل حلمٍ تخفى = ودونه كل صخرٍ صم ذايب
امانيهم مثل رمل الصحاري = تقفاها مع الوقت الهبايب
ولهم ناسٍ تمناهم ولكن = خذتهم بالغلا بعض النوايب
كثير اللي يبي حلم وسعى له = وقبل مايوصله وصل النصايب
عسى قبل اللحد نلحق بتوبه = تهنينا ولو تحت الترايب
هذاك الحلم يوم الله يرضى = ونلقى السعد بالجنات طايب