لاحت بروق الشوق داخل فوادي = ثم ارعدت مزن الموده و صبت
من عقب ما ثارت هبوب و برادي = غارت على قلب العنا يوم هبت
وزنتها بميزان معنى المبادي = و استفحلت قيفان شعري و لبت
على الذي بالحب غاية مرادي= اللي التوت به روح روحي و حبت
الجادل اللي مخلص له وكادي = اللى جروحي لجله اليوم قبت
حبه بقلبي دايمٍ بازديادي = من شانه النيران بالجوف شبت
من يوم عني غاب و العقل غادي = و دواعي الاحزان فالروح دبت
مما حصل يازين محد استفادي = دام الجروح الخافيه ما استطبت
