السلام عليكم .
احب ان اقدم لكم هذه القصيده وان شاء الله ترتقي لذائقتكم الشعريه .
ياهجوس الشعر نادي معانـي شاعـرك=في ضميري ياهجوسي براكيـن ٍ تثـور
غيري الي في طريق الهزايـل عـاذرك=يوم انا مع طرقة اهل الجزاله ومخبـور
طبعي الٌي تخبرينه وانـا الٌـي خابـرك=مارضيت بظلمة الحرف واصل النور نور
هاتي الٌي ياهجوسـي سرابـه خاطـرك=بالزمن جمره وجمره وانـا قلبـي يفـور
ويانديمي كان هـم الزمـان محاصـرك=لاتقرٌب من دروب الردى والـزور زور
الحـذر ثـم الحـذر لا تمـر وتاسـرك=لاتلفلف فـي دروب الهزيـلات وتـدور
والردي مع صابره وانت جنٌب صابـرك=سيرة ٍ لاهل المراجل و وافيـن الشبـور
خل زرع الطيب غرسك ولـدٌ بناظـرك=للبساتيـن النظيـره وفتٌـش بالـزهـور
والنصايح لاتقفٌـي علـى الـي باشـرك=واصح للي ينصح الناس والنيٌـه سفـور
واصح من قول ٍ يمرك ولااحد ٍ جابـرك=الكلام الي علـى غيـر يمٌـه ومحظـور
واخلص النيٌه مع الي يجـي ويشـاورك=كان تبغـى ينحسـب لـك فالايـام دور
ولا تعرٌض للعرب لو يجي من ناصـرك=تخسر الدنيـا وتحيـا بلاعـز وظهـور
وكان ضاقت والزمن بالمضايق حاجـرك=اطلب الٌي عنده الحل في صعب الامـور
الله الـي بالقسـا لا دعيتـه يـاجـرك=كان صرت بحزة الضيق رجال ٍ صبـور
وسلامتكم , اخوكم احمد القاسم .