[شجون القصيد]

.

..

...

غرك زمانك تحسبني على الكيف = تبطي وانا ماجيت باللي تريده
بي من سلوم البدو مع حشمة الريف = وعندي علومٍ ماحوتها الجريده
ريميةٍ والعب على الرمح والسيف = واللي طمع بي قلت له تبت ايده
ماخذت علمي بالولايات وجنيف = ولا نيب في هذا الزمان الوحيده
ولاغرني من قال عذبة تواصيف = ولا زاغ عقلي يوم قالوا فريده
ولانيب في ديني مثل خالد ( السيف )* = ولاصرت انا زينب ولاني زبيده
لكن عقلي ماغشته التخاريف = ومافيه حيٍ لو يحاول يصيده
افهم ردي الحكي لو فيه تغليف = اللي سلوم المرجله مايجيده
وادري ترا مدح العذارى به الحيف = لاصار من شخصٍ يجيد المكيده
وختامها كلمه ونصحٍ وتعريف = وليت العذارى يسمعن القصيده
من يمتطي مركب بليا مجاديف = ان مات غرقانٍ فهي فعلة ايده

* خالد بن الوليد سيف الله المسلول