[ترانيم المطر]

يموت الشوق بحدود الأماني = وتر حل مابقت به من ثواني
عقارب ساعته عيت تفارق = حدود الشوق بأطراف المباني
تلعثم صرخته كل المشاعر = يموت السر ما باحه لساني
الآ ياطفلهٍ باتت غريره = يجرعها الزمن وأضحتْ تعاني
على هونك رعاك الله سيري = ولا تمشين في ذلّ و هواني
على كل الخِطا خلك حريصه = حذارا من متاهات الزماني
اذا إنك سايره والدرب مالت = خذي رائي ولك عندي ضماني
وأنا بعطيك من عندي نصيحه = نصيحه صغتها بأجمل معاني
إذا غرّك زمانك وإندفعتي =فموتي ضاميه بين السواني
حذاري تشربي من صاف ماهم =وشومي عن حلا كل الحصاني
فلا يغرك كلامه لو تجمّل = ولو ناضرك في حب وحناني
بذور الصخر ماتنبت ولكن = حذاري تبذري فيها الأماني
وهذا وقت فيه الصقر يشوي = وسهم الغدر يركز بالمحاني
يعلمني زماني كيف أعيشه = وكيف أمسك لجامه والعناني