[شجون القصيد]

متواضعه ارجو ان تنال اعجابكم

يفيض الدمع والا مايفيضي = تعوّدنا على الحظ المريضي
نعدّلها ولكن ماتعدّل = نسايرها وترجع للنقيضي
نقول تزين باكر بس باكر = تردا لين وصل للحضيضي
وانا من وين ماانظر شفت حظي = يوردني على همن وغيضي
يلبسني ثياب الحزن واصبر = الين القلب من مابه يهيضي
لك الله يافؤادٍ ماتهنا = ولا له في حياتي من يعيضي
طيور الهم من حولي حياما = سراب لاح واطرد له وميضي
شعاع السعد بعيوني توارى = يورّدها على ليلٍ عريضي
خلاص اليوم ياحظي تساوت = شتا الايام والا حر قيضي
جداي اليوم صبري والتجلد = ولا ينلام دمعي لو يفيضي