[عمر ال شيبي]

المشاركة الأصلية كتبت بواسطة الطائر المهاجر

عديل الروح يانبض بفؤادي= ما اطيق الصد ياريم البوادي
انا شسويت قلبي صرت ضده= وصرت اليوم من يكسر شدادي
حبيبي القلب ماعاده بكيفي= ملكته انت من بين العبادي
لغيرك ما يبي يسمع ويوحي= ولأجلك ضاع فكره والسدادي
ترفق به فجرحه صار نازف = ترى يحتاج من عطفك ضمادي
ترى الهجران في حقي خطيه = بليا ذنب ترغب في ابتعادي
وانا طول العمر بالعهد وافي= فلا تجزى وفائي بالنكادي
ونا ادري بك وفيّه غير خايف= من العذال او بعض الاعادي
تعالي والمسي نبضات قلبي= وحسي الجرح نزفه في ازديادي
ترى دنياي من غيرك كئيبه = كفاني ما جرى حني لفؤادي

صح لسانك يا طير الغزل والروح الطيبه

واستلم الكيبوديه هيضتني واشعلتها

ألا يا طير وش بك منت هادي = اشوف اليوم حالم بالودادي
تقول الروح من ودك توده = بقايا طيف منزوح المرادي
لاْجاك الكيف والمبسم رغيبه = يحن اللي على متنه جدادي
جدايل فوق طرحات المتوني = تساهر من حلا قلبه ينادي
بشوق الصمت همساته تحلّي = بلابل شرق ملموس الايادي
فريد الخال من شفه تغذّى = عطايا العين لا تبقى حيادي
ترى المغمور قلبه ما نسيبه =مدام الروض من خضره وزادي
بكم احلام وخيال ٍ يرقص = هنوف الموج حركات الرمادي
تشعل جمرة الليل غطاها= وضي النجم نبراس الوعادي
رحاب الشط بالرمل حبابه = يعانق مدّ جزر الصيف هادي
تعال اقرب بياض السن جنه = وشم العطر منثور الوسادي
الا يا عود قلبك لي مظله = تهيم النفس في عين السوادي
جفون العين ما ترحم سهارا =بتالي الوقت مع روح الورادي
لجبت الوصف من ساكن ودادي = تشوف اللي علل قلبي عنادي