اقتباس:
المشاركة الأصلية كتبت بواسطة سعيد الصاعدي
كني اشوف الكذب مثل الحقيقه= وراع الحقيقه كنه اليوم كذاب
وكني اشوف الصدق طافي بريقه=والظلم له ناس وجماعات واحباب
كلا صديق الظلم كلا صديقه=والحق من دونه متاهات واصعاب
نهوى التصنع والمظاهر انيقه=الزيف فارسها وراعيه غلاب
(دموع صدقي) ناظروهاغريقه=ناتي ونرجع وحدنا كننا اغراب
مدري زمن غدار ولا الخليقه= ولا انا اللي جيت للناس من باب
باب الوضوح اللي سلكنا طريقه=ماعاد له قيمه ولاهو بجذاب
ناس تغير طبعها في دقيقه=وقليل منهو للمراجيل طلاب
ناس تولع فالمجالس حريقه=في ضحكته يبرز لك الحقد والناب
دون المراجل الف شي يعيقه= ردي واللي رافقه ماربح خاب
لافاق درعم قبل مايفك ريقه=يحسب مشاويره ويحصي للاتعاب
خله بجهله لاتحاول تفيقه=الروس تزهى ماتميل للاذناب
يكفي المراجل انها ماتطيقه=ويكفيه بانه عاش ويموت كذاب
تحياتي للجميع |
حياك الله من صاحب المسحوب طرقه جميلِ
تقدر تقول تبدلت غزلانها بقرود
دروب النفاق والكذب قصيره
والحال صعب من تلاعينهم وهرز لاذناب
ويبقى الكذاب كذاب
صدقت
صح لسانك لا هنت ابد