[الخنساء]

المشاركة الأصلية كتبت بواسطة نجم الإبداع

ياطير ياطير ياطير السعد من بيض الاوراق=خذ لي رساله لمن له بالحشى فيّاض شوقي
الي عليه المشاعر من لهيب الشوق حراق=يجري مع الدم عشقه والهوى داخل عروقي
الي عشقني ولا في نيته عن ظلّي فراق=لكن صده غريب وغيرته لي ماتلوقي
راعي العيون الوساع وطرف للعشاق سراق=الي بسهم المحبه والهوى صوّب خفوقي
الي لخاطرْه لو يشّر نوينا نتعب الساق=وقت الضحى ناصله والا على وقت الغسوقي
ياطير بلغ حبيب الروح حالي قبل الاشراق =لاناموّ الناس وانا قمت ابْل اعليه موقي
الي حلي له عذابي وانبرى يسرح بالآفاق =مابه سحابه ولابه للمطر رعد وبروقي
مادري علامه يناظرني ومافي قلبه اشفاق=كنه يبيني على جمر الغضى صب امحروقي
يحسّب انه ليا من ساق جمر الهجر بانساق=واصير هايم ويدرون العرب في كل سوقي
مايدري اني على المشراف ماقبل لوي الاعناق=ادعس على القلب لو شفته بساع امسى ذروقي
صحيح احبه ولا ارضى فيه بين الخلق الاملاق=لكن نفسي تشوم ان ساقها للذل سوقي
فوق الثريا ونجم اسهيل مارضى عيّش الانفاق=على النقاء والصفاح البيض عايش حسب ذوقي

صح لسانك مليون ولايكفون

قصيدة جزلة من شاعر جزل

سلمت ودام حرفك