[صنداح الزلامى]

قصيدة مسندها الى مبروك بن ماضي

لا اعجابي في شاعريته وجزالة قصائده

اعلاوةٍ على وفاه وكرمه وسمو شخصيته

محمد اوجس لي على القلب داكوك=والشعر اشوفه مختلف عن نظامه
هات القلم والبوك واكتب وانا ابوك=اكتب وحط لكل سطر (ن) علامـه
واعلم ترى للشعر شعار وملـوك=ينقدون وكـل شخـص ومقامـه
والشاعر اللي يحبك القاف مبروك=مبروك اخذ بالمجد ذروة سنامـه
شاعر وله قافٍ منقـد ومسبـوك=انا اشهد اني معجبٍ فـي كلامـه
والشاعر اللي غير مبروك متروك=قله فى مـان الله ومـع السلامـه
يعـوج القيفـان ويلوكهـا لـوك=ويخلط حلال الشعر وياء حرامـه
مبروك انا بنشدك ياخوك ياخـوك=اشوف لي نـاس عليهـم ملامـه
من يمهم في خاطري ظن وشكوك=والشعر منهم صايرن فيه شامـه

هذا رد الشاعر مبروك بن ماضي


أخي واستاذي الفاضل الشاعر الكبير / صنداح الزلامي 00حفظه الله
السلام عليكم ورحمة الله وبركاته 00 وبعد ،
انا ممايسعدني ويشرفني هو التواصل مع الغانمين شرواك
ولقد سرتني قصيدتك الجزله وماحملته من هم تجاه الشعر وأهله ولكن مايصح إلا الصيح ولايبقى إلا الأصلح
واليك طال عمرك ردي المتواضع والذي لايرتقي الى بدعك الرائع إلا بما تشرفت به قصيدتي من حمل اسم شخصك الكريم وهو الأمر الذي يرتقي بها دمت أخاً شامخاً اعتز به
وتفضل بقبول تحياتي وتقديري الجم ،،

يابو محمد جاك ردي وناخوك = ياشاعر يفرض علي احترامه
ماتكتب إلا شعر جزلٍ ومحبوك = تملك عنان القاف ويا، زمامه
تنسج خيوط الشعر وتحوكها حوك = وتبدو لمن يسمع : صورها امامه
وعندي في الساحة على ابداعك صكوك = يشهد بها بالذات شعراء اليمامه
وعندك جماهيرٍ عريضه يحبوك = من الشمال إليا شواطي تهامه
والشعر دربه صار للكل مسلوك = ناسٍ كثيرٍ قرروا إقتحامه
لكن ياقل نفعهم 00لايغروك = والكل منهم غارقٍ في غرامه
والشعر ياصنداحٍ إصلاح وسلوك = ورسالة ٍ تبقى ليوم القيامه
يفخر بمثلك يالزلامي ويدعوك = تسلط الأضواء على اهل الغشامه