يرووق لكل شاعر ان يجد ردا لما يكتبه
تشرفت هذا اليوم برد استاذي نجم على ابياتي المكتوبه في احد مواضيع المساجلات
سعدت بهذه المساجله كل الشكر مقدما نجم الابداااع
ـــــــــــــــــــــــ
شجوووون
تبعد وتقرب واتخيلك وابيك .. وامسك لجام النفس لامر طاري
الله واكبر كيف زدت بتجنيك .. وخليتني بعدك اهل العباري
................
نجم الابداااع
ياقلب لو خلك نـوى مايراعيـك .... وانته على طيفه مع النجم ساري
خلك مع الي بالمشاعر يجاريـك .... لو طال ياقلبي عليه انتضـاري
..............
شجووون
ياصاحبي لا ماتغيّب مواريك ... دايم معي من وين اوجه مساري
الله لقلبي يوم زدت بتماديك ... اللي يخــزه مثل خـــز الشباري
.............
نجم الابداااع
ياقلب هونك لاتغـرك هقاويـك ... مالك ومال عيون صب انتحاري
الخوف تتعثر بدربك خطاويـك .... يالي مدارك مبتعد عن مـداري
.............
شجون
ياقلـب ماظنـــي بفعلك بجاريك ... حتى ولو تعلن علي الطواري
لاحق لك تزعل ولا حق نرضيك ... بقول مدري عنك لو كنت داري
...........
نجم الابداع
يانجم ماتسري الثرياء مساريـك ... وان زادت السرعه يجيها انفجاري
انته قديم ومن زمـان الاتاريـك ... والجيل هـذا جيـل رز البخـاري
..............
شجووون
ياقلب لو زادت عليك الشرابيك ... لازم يجـــي لك يوم تعلن قــراري
احذر تبيع اللي على الود شاريك ... وتتبع سرابٍ لاح وسط الصحاري
.............
نجم الابداع
ياوالله الا الموتـر الـي تماتيـك ... يعجبك لو يمشي بدون الاطـاري
من بحر زاخر ماتجيـه التعاليـك ..جزل القصيد وضاع راعي الغفاري
..................
شجووون
البحر ماهو للمطاليـــق تمليـك ... جزره ومده بأمـــر خـــلاق بــــاري
يعطي ولا يمنع وفيه التهاليك ... ومن هو جهل خافيه قل له حذاري
....................
نجم الابداااع
البحر في غبته حوت ومفاليك ... وفيه موشور الجزال انكساري
ماهوب ملك الا بغبه تساليك .... من دلها ماجاه يوم انفطاري