موبايلي والا سوى ويش سوو=الزحف بالعالم وعين الله تشوف
مايستحون وحول الاعناق لوو=حبالهم بالكذب والكذب مكشوف
والبدو من عامين ماعاد ضوو=خيامهم خلوى وبالبير ناشوف
متغيره دنياك واحوال دوو = مافيه غير الغيّ والحال مقشوف
الي على الهقوات بالزيف طوو=ماهم عسل عندي ولاشهد مرشوف
لو هم يحبوني لكانو تجوو = من فرقتي وابكو علي كل مهشوف
لكنهم راحو وعني تنوو = وانا على جمر الغضى صب منشوف
وين الذي من نبعهم يوم روو =عروق ضمياء عقبهم مايرى الشوف
قفو وساقو ظعنهم يوم شوو=كبدي بهمر دموع من ضبي مخشوف
اذكر مرابعهم ومايوم زوو = يحرم عليه الزاد لو غبت برشوف
من عقبهم فيني جروحي تقوو=جدو الحشى من جيش قاده خرتشوف
اما سوى وموبايلي ويش سوو =الا الدعايه مير عين الله تشوف