[ناصر عبيد الهواوي]

ياجبل دخان خلّك على الباغي شهيد=يوم غرته الهقاوي وولع نارها
يقدح الحوثي بزنده من العقل البليد=ليه ينقل بندقٍ ما يحكم عيارها
ما يعرف انه تورط له بخصمٍ عنيد=لين قوات البطل غطته بغبارها
كل ما سوى ابو متعب هو الراي السديد=كل موجات الروادي تبث اخبارها
لجل آيات ابليس تدري عن الفعل الأكيد=وحر نيران القنابل يذيب اصرارها
لين تذعن غصب بعد الطغى ترجع اتهيد=وتعلم انك فالجزيرة خزمت انصارها
ولا تغفل اعن ايسر الضلع لو سبعه مسيد=قنبلة في ايران ريموتها وازرارها
ولا تهاون بالمباديل عباد الجريد=سد مأرب منهدم من فعايل فارها
في سلاح الجو راس الجبل خله بديد=لين يبلش في جثايا الرفض قبارها
بالعقيدة مانجامل ولا عنها نحيد=كلنا وقت النوازل حماة اسوارها
والقبايل مستعدة ونفذ ما تريد=ان دعيت اتجيك بكبارها وصغارها