عبدالله/ سلام الله وحيالله وكيف الحال ياعقال = بدينا بالسلام وكلٍ واحد لو دخل سلم
صنداح/ هلا يامرحبا ترحيبتٍ تدرج كمال الفنجال = ومن عنده لسانن ياوسيع المعرفه علم
عبدالله/ لكن ايمنا هذي ابا اطلب حق والمعدال = احطه قدمكم واللي عليه الحق يتكلم
صنداح/ عليك الله واكبر يابن مذكر ياوسيع البال = تبا المعدال وانت لحربنا يالقرم تتولم
عبدالله/ كبير القوم ليتك تعرف اللي من عصر وش قال =وانا مدور الزله عليكم وانته معلم
صنداح/ يعلمك العلوم الطيبه ويوزع الاثقال = لكن انته علامك ياصليب الراي تتحلم
عبدالله/ انا مقول فيه اقصور لكنه يجيه اخبال = وهذي سنة الله والرسول اللي بها كلم
صنداح/ هذا الدكتور يعطي علم مايعقب ولاينقال = ليامنه وصلك العلم سلم ياولد سلم
عبدالله/ انا مرضا بحكم الجاهل اللي يتبع الجهال = ابيلي حق من روس القبايل جيت متضلم