أشلون ترحل يا بعد قلب مغليك = كيف أستطاع الهجر دربك يدله
ينبيك عن مكنون قلبن مصافيك = دمعن تعلق بالرموش المظله
وشلون ترحل يابعد حي غاليك = وشلون سيف الهجر يمّي تسله
شربت مر الوقت من شان حاليك = وأقول للعذال يا زيْن دله
القلب لا ناسي ولا هو بجافيك = ولا غيرك أحدن قادرن يستحله
عاهدك في صدق المشاعر ومعطيك = إحساسه اللي ما كسب فيه زله
وافي معك كاسر لشوكة معاديك = واليوم أشوفك ناوي إنك تذله
روّح عسى ربي يسهل خطاويك = وقدام ترحل رد قلبي محله