يا ابن بكر سلم على الربع كافه = حيثك بخيص بعلمها مع نظرها
وابخبرك بخصوص راع المضافة = فالقبة طاحت ثم تالي عمرها
وأسأل لنا الشعار و أهل الثقافة = أسأل عن اللي مركبه في نهرها
ومن بعد ذلك ما تفيد الحسافه = الأفضل يبعد عن عواصف بحرها
والعاصفة للموج ساس التفافه = لو جا على ضلع (قد انه ) كسرها
هذا موكد ماهو كذب وخرافه = شف لك دياران غشاها دمرها
والفوز لازم فيه فن وحرافه = ومن لا يضبط حجته قد خسرها
والصحراء يوذي حرها مع جفافه = والضلماء تفرق عن ليالي قمرها
(وقدانه) تفعيله مع الوزن آفه = وياحيي صعب مصدره من حجرها
وحيي وملي هيه يوذيك قافه = الا الذي منها ولد في شهرها
عاروسةٍ ما كل سواح شافه = ابوها كم وكم حيل نحرها
ما قيل مرباه الحفر و الجرافه = تشرب قراح وعيشته من زهرها
ولا بانت أشباح البشر ما تخافه = وان جوه بالسية خزمها وقهرها
ومن لا يعرف الراي حولك مطافه = جدعة عصى و الا الحقيقه نخرها
أمثال انا أجيبه بقصر المسافه = وطويلها تهلك بقوة اعبرها
وبخيصها ما شاف فيها كلافه = وغريب داره يخترق من شرره
وش عاد لا شفنا الثعل و الزرافه = وين التوازن بينها في قدرها
والنون يكمل كل الأقدار كافه = وكل الاراده وارده لا ومرها
افما غيره له بالخلق رحمه ورافه = الواحد العالم بدورة دهرها
وصلوا عدد ما فاض نهر الرصافه = على النبي واعداد جملة ادررها