[الخنساء]

المشاركة الأصلية كتبت بواسطة ابو أنس

ترى الجبل لو ينطحه كوم عنقان=ما اهتز ابد ولاتغير مكانه
والحق الابلج واضح(ن)دون عنوان=لو غبّشت دونه مرايا زمانه
والعاقل اللي لاهرج جاب برهان=دليل مثل الشمس عزّز بيانه
والا خوي الجهل.لوكان له شان=دليل هرجه حمقته وزعقانه
أقصى طموحه صورت(ن)بين غلمان=غلمان فكر او مخلفين الديانه
أوجلست(ن)مع فاتنه سنها بان=بضحكة دلال(ن)تستثير هذيانه
ياشيب عيني من زمن ذووود خرفان=أول نعاج وثار فيهم لعانه
ثغوا ثغوا واصواتهم صمت آذان=آذان ما تطرب لصوت الخيانه
يالله عساهم في مذله ونقصان=شوه الوجيه مضيعين الأمانه
او قل عسى ما ينظمونه خبر كان=عقد فرط والخيط ما به متانه

صح لسانك واعتلا شانك

قصيدة جزلة من شاعر متمكن

سلمت ودام حرفك