تواضعي والصراحه بعض عذروبي = في وقت ينظر لراعيها بحقرانه
كل يعيش بحجم اكبر من الثوبي = ولو تنكشف عورته ماانهزت اركانه
لا من هرج معك كنه حط مندوبي = لاهل القرارات من حضرٍ وبدوانه
يتمطق الحرف كنه شهد مصبوبي = ويظهر لك إنّه مهمٍّ عاليٍ شانه
وهو طريطير فكره دوم مثقوبي= يضحك على من جهل عزفه ودندانه
وحيث الجهل واجدٍ والوضع مقلوبي= تلقاه يجني مكاسب دون خسرانه
ودي ابدّل مثل غيري من جنوبي= لكن جوّاي شيٍ يرفض اذعانه
فأنا ولو بالجهد حصلت مطلوبي = من بعد عمر قضيته ادفع اثمانه
ما غرني ما وصلته بآخر دروبي= ولاني تغيرت في زود ونقصانه
اعطي الرجل حق من قدرٍ وماجوبي= بغض النظر عن بلادينه وعنوانه
فالرجل دون التواضع كله عيوبي= مغرور واحمق فلا تقرب من وزانه
خله يربيه وقته باحسن اسلوبي= حتى ولو ضحك له تفرسه نيبانه