[الغريبة/شوق]

يسعد مساكم

=========

أحرجت نفسي معك وابديت لك ودي
ما كنت اعــرْف انك بوادي وانا بوادي
.
لا واحسافت دموع ٍ جرّحت خدي
مع الاسف – عندك – اثْريها أمر عادي
.
تقول لي : يا عيوني .. ياااااا خلف جدي
ُومن الهبال .. احسب انك قاصد اسعادي
.
ما دام قلبك بعيد هناااااااك ومصدي
وش لك بتعذيب قلب ٍ تايه ٍ غادي
.
طواري الشوق عقبك بيّحت سدي
وعيوني القشر تنزف دم .. وتنادي
.
وقلبي من البعد وضعه حيل متردي
مع راحة البال .. متحارب ومتعادي
.
والكون كله وقف مع قسوتك ضدي
وجروحي اللي قديمه صارن جدادي
.
وما اظنّ هالـ همّ عن دنياي بيعدي
مادام قلبك بواد.. وقلبي بوادي

0

-