[احمد الجريفاني]

عز اللقا بللي من الروح مغليه=عزيل حالي كان طول غيابه
قدره بصدري ما تعدى محانيه=هو رغبتي هو نشوتي والصبابه
حبه تمكن با الحشا مقدر اخفيه=قلبي من اجله صار يغلي عذابه
يجني على روحي واخآيل تجنيه=احب هرجه بس مقوى عتابه
يا نبض روحي عاشقك لا تهقويه=ارجع لطبعك يا سليل النجابه
انت الغلى كله تدلل بقول ايه=ابشر ولا غيرك يدلع جنابه
حبك بجوفي شامخاتن مبانيه=وقربك يمنيني بلامع سرابه
واعدتني با القرب وابطى تحريه=قربك وبعدك يا الغضي ما تشابه
اللي يحبك يا الغلى لا توصيه=وهو على شانك مضيع شبابه
يهيم من شانك ويشمل مع التيه=ويجيب لجلك مثل ما الورق جابه
كان الجفا تدليع با الروح نشريه=وكانه تكبر ما نوقف ببابه