[حمود السكراني]

يامنابع قافي وافي مابقا بأمره خوافي=
من تردد قيل خافي ومن صبر قالوا شجيع=
من قطع تلك المسافة ماله بالباقي مخافه=
ولاعلى الدنيا حسافة كود سجدة للسميع=
دام عرفت اللي عرفته واعترض لي شي وشفته=
بين غملهاجة ولفته دون لايحس الجميع=
وانكشف لي مانكشف لي واعترض لي ماعترض لي=
من الذي شافوه قبلي كم كهل وكم رضيع=
قلت يالأيام سيري دام هذا هومصيري=
ودام مثلي مثل غيري مالي في نفسي صنيع=
لانكتب شيِ علينا إن زعلنا وإن رضينا=
مايريد الله فينا له نساق مثل القطيع=
ونوب يأتي هو إليك حتى ياصل بين يديك=
ونوب ياقف يحتريك وكلها بأمر البديع=
يبدع أمره كيف شاء بالذي راده وشاء=
لاعتراض فيما يشاء منهج العبد المطيع=
وكان حصل بالصدر ضيقه يحتمل صدري مضيقه=
بين لحظة وبين دقيقة للفرج دربِ وسيع=
يامنابع قافي وافي بالخبر والسر خافي=
بين نون وبين كافي كله للخالق مطيع=
قلتها ويالله السلامة من حشر يوم القبامه=
ومن مواجيب الندامه بذلك اليوم الفظيع=
موقفِ فيه إمتساوي الفقير مع الغناوي=
والعليل مع المداوي والوضيع مع الرفيع=
والسعيد من طاع ربه وان غفر له كل ذنبه=
وشمله باللطف ربه وشرب من حوض الشفيع=