[الخنساء]

المشاركة الأصلية كتبت بواسطة نجم الإبداع

الشاعر الي مايحب التفاعل =واليا كتبنا له شِرْه من كتبنا
يشوف نفسه غير والغير جاهل=قال البشر ماهيب تبلغ رتبنا
صابه غرور وصفقت له مشاعل=مسكين ماهو ممتلك منتخبنا
حوله بحور امواجها له مجاهل =ماطبها الي مايشاهد حسبنا
الي يجاملني وانا له اجامل= رد الجميل اوفى ولو مانسكبنا
الي يعذرب في الجياد الاصايل=ماهوب قايد بالوفى في عربنا
شعره بحوض العشق بين القبائل=وان جاه كلمة قال منها تعبنا
يقول نظمه من بديع الرسائل=يرسل عتاب ولايهمه عتبنا
مايرقد الا فوق سحر الهمائل=واحنا من الصحراء وفيها سغبنا
مايحسب الطرقي ولا ابن الحمائل=والحق ماعنده سوى من حطبنا
فيه انفصام ومايشد الرحايل=الا لعين سهومها من كربنا
من قال ونعم رد ونعم جمايل=ومن لايرد الرمي ماله عجبنا
الشعر فكر وسيف صلب النصائل=ماهو لعين خصوص يامنتسبنا
والشعر روح وزهر باهي الخمايل= والشعر للاصلاح حقق طلبنا
والشعر سلطانه على القول طائل=الحكمه والتاريخ وعلوم تبنا
والشاعر الي مايحب التفاعل=لايشره الا لالفت له كتبنا

صح لسانك واعتلا شانك

قصيدة جزلة من شاعرل

سلمت ودام حرفك