[الخنساء]

المشاركة الأصلية كتبت بواسطة شجون القصيم

واثق الخطوات يمشي ملكاً لكن ولكن = مادريتي واثق الخطوات وش كانت حياته
الصحيح ان الجبل ماهزته ريح الاماكن = بس تنخر فيه لين تغير رموزه وذاته
ايه ساكن أي نعم بالحيل مستسلم وساكن = وكم حمل دمع السحاب اليا همل باقي رفاته
بس شوفي لا غضب يهتز وتثور البراكن = ومايسوي بالبسيطه أي مخلوقٍ سواته
ياقسي قلب الزلازل لاوطت ظهر المساكن = وأودعتها من رفاته مثل قلبي في شتاته
لاتحسبيني قويه بس والغيد يتشاكن = اردع النفس الشقيه واتظاهر في ثباته
وكان غيرت الأماكن او سترني ليل داكن = الله العالم عيوني ماتهنا في سباته
اسهر الليل اتقلب لين ماحولي تباكن = الزوايا والمرايا والشموع وملحقاته
ادفن احزاني بقلبي لين بالهمس يتحاكن = الحنايا اردعنه لا يعانق طايراته
يابري حالي على اللي داخل الوجدان راكن = يتقهوى دم قلبي ويتفيا في نباته
في رجايا لين قويت شوكته من ثم شاكن = يحسبنه هد حيلي او رماني للشماته
والله اني ماترجى يالليالي في ذراكن = ماتخضع النفس والله ماتخضع الا بصلاته
مالي بطرد المقفي واثقه من غير لكن = آخذتها بالوراثه من ابوي ومن خواته

صح لسانك ولاهنت
قصيدة جزلة من شاعر جزل
سلمت ودام حرفك