يامن لقلبٍ من اللوعات واهل الزور معصور=والفتنه الي تولع يالله ان تكفي ضررها
الي على الكذب يخفون الحقايق داخل الضور=يقابلونك بوجه وبالخفا وجهة نظرها
اشوف الارياع مفتوحه ومايخفاني الطور =وادري عن المارد الي مختفي داخل شررها
مادام ابو حقيب صاحب تالي الايام دبور=وصارت الحيه الرقطاء تبي تخفي جررها
يبنون بالكيد بيت اعجر وماهو بيت معمور=ماله اساسات والجدران باذرذر ذررها
يتوه عنها الغشيم ويفهم الرميات دكتور =واهل الرمايه تعثر رميها وابدت خورها
العنكبوت ام عشره روس تبني حولها سور=وانا ليا شفت بيت العنكبوت اقطع خبرها
العنكبوت ام خيط الوهن ماتسلى عن البور=ديارها قاحله واحلامها سوداء صورها
ماهمني كيدها من كيدها ماضاقو الحور=ولاتصل للذي تبغى ولو رشت عطرها
لعابها سال فوق اغصون زقومه وموشور=وشفت غباتها فوق الشجيرات وثمرها
ياويلها لو نويت اعشيشها تشكي من الجور=والرمي صايب لو اوجهه يمتها كسرها
لكنني باكتفي باشعارها والحال مخطور=وان كررت مابدر منها فياشينه قدرها
هذي رساله على وضح النقاء من صوت مجرور=تاصل لكل الجهات ويعرف العاقل مورها