قل للفطاحل لو يغيب ابن منشار=عن منتداكم ماسلى يوم قلبه
لاشك ياصحابي لكم بين الافكار =موقع مميز فاز في كل حلبه
هيه ضروف وحالتي مابها انكار =لاهل الوفاء مالي بها اي طلبه
ماغاب طاريكم وتاصلني اخبار =يامنتدى للشعر مشهور ثلبه
قلبي لكم جيتار مشدود الاوتار =يعزف لكم لحن الهوى والمحبه
انتم غذاء روحي مساها والاسحار=وانتم لها غيمات ومياه عذبه
ادري بكم عتبى علينا وتذكار =لكن عشت ضروف للبعد صلبه
مريتكم عابر سبيل اطلب اعذار=واليوم انا مشغول في دار غربه
ياصحابنا من بعدكم صرت محتار=والوقت مايسمح والايام حربه
آمل قبول العذر واهديكم ازهار =ياعلكم في خير والدار رحبه