لو ان مالي نصف مليون دولار= والجيب لكزس من حديث الطرازي
اخذت لي جوله على كل الاقطار=مادام عمري والحياه انتهازي
اسرح طلوع الفجر والوقت دوار = ونقطة بدايه ماتصير ارتكازي
شاعر ورغبة هاجسي حب الاخطار = لو كان حبك يالخطر لايجازي
هواي ورغبة خاطري سج الاقفار= وابعد عن الطايف وشعب الحجازي
ياماحلا فرقاه في وقت الاسحار= قبل طلوع الشمس والذيب غازي
اطلع مطالع حر لجبال سنجار= حر(ن) عشق حب العوالي وفازي
اجوا بلدنا كلها حر وغبار= وهبت رياح الصيف غنا عزازي
والجيب لامنه مشا الخط والقار= كنه زعيم(ن) ينتظر للمغازي
صوت المكينه كنها صوت الاوتار= من طيبها ماشفت فيها اهتزازي
واليا ركبت الجيب ثم جبت الاشعار= وجات الهواجس والقوافي تنازي
ياتي على عزف اللحن كل الاثمار= وانا خبير(ن) واللحون افترازي
افرز جزيل الشعر مانيب محتار= واجزال بيت الشعر ضربة قزازي
يالهاجس المشتاق انا ضامري نار= واجب عليك اتصير مأ وارتوازي
من شان غيري ياخذك درس واذكار= ويقول ذا شاعر على الشعر حازي
هوايته جو الطبيعه والاسفار= طول السنه جاهز لختم الجوازي
وش خانة الدنيا ليا صرت منهار = من سوق الاسهم والسهم فيك وازي
لو تجمع اموالك بالارقام واصفار= وطول الدهر تاكل مفطح كوازي
اعرف ترى الايام والوقت يندار= لحضات تاتي والحياه انتهازي
=خالد عتيق النفيعي