[سلطان العطاوي]

	اسعد الله جميع أوقاتكم بكل خير آخر إصدار // صوت وصدى سلطان العطاوي:- يا بحر جده شف هواك وماك = ومعاند التجار والشعار واحد مداه من الحياه أشواك = والآخر أعظم من حديث النار يا بحر شف رجلي على مبداك = اياك وتقول الكلام الحار اما تعلمني عن اللي جاك = والا تخاويني نروح شهار أشهد شهادة حق من سماك = يا بحر يا بحر الندم (غدار) ماهوب كاذب قربك ولاماك = مشوار من مشوار في مشوار خذها وصنفني أشر إعداك = عدو واضح ماعليه غبار الا إذا ودك تبيح حماك = وتبشر التايه عن الزوار في حينها كل الشقا يفداك = وكسبت لك واحد من الشعار عبد العزيز الهليل:- يابحر جده وش تكون امناك = دام العطاوي تاركك تختار اختر وسمعنا بموج اشفاك = حاضر ولا نبغا الكلام اعذار ماهوب شورٍ يقبل استدراك = قرار وبدرب القرار اقرار والامر كله راجع لمشهاك = والوقت داير الفلك دوار هذا العطاوي ماوصلك هناك = الا وله قصه مع الاقدار يمكنه من جور السنين انضاك = واصبح يوقف وقفة استنكار يبغاك ولاكنه ابد يبغاك = وهذي ترى فاللي وفي اشبار والا وش اللي مودعه يشناك = وانته وراك من الحياه اسرار حتى ولو انها حياة اسماك = والموت قسم مدور المحار ومن عقب هذي من هنا لهناك =ماتصبح ايمين العلوم ايسار وانا مغير ابا اكتبك واقراك = لا جيت اطالع صفحة التذكار وعسى مرور الوقت ما يمحاك = وتبقى محياً ماعليه خمار لاجايك ولاعاني لشرواك = لاصرت في وصف العرب غدار