منتديات الفطاحله - عرض مشاركة واحدة

عرق الماس · 10-05-2009, 09:18 AM

اقتباس:

المشاركة الأصلية كتبت بواسطة محمد اسماعيل الرفاعي


	عمرو العِشِق ما بكون قماش للسوق بتمشي وتشتري حسب المقاسات والمزاج في الترزي تمشي تفصّلي لكين هـو زي إحساس خفي والمستحيل إنك براكي تفسّري بـدخل مسامك بي بشيش ويدغدغ الوجدان يلامس لي شغاف قلبك ويظهر في رموش عينيك كُحُل .. تتكحّلي لو القليب زاد في عدد دقاتو ما عندك خيار غير انو ترضي وتقبلي ماهو العِشِق إحساس نبيل وشعور جميل ،ألحان شجية توشوشك ويعذّبك تستعذبي ويكرهبك لمن جواكِ تحسّي بي ومرات يفقّدك الوقار وتحسي بيهو في كل دواخلك إنتصار بينك وبين نفسك براك بتبقي زي عصفور مرِح وتغني ألحان الفرح من بهجتك بتحاكي زغزغة الكنار إتباهي ما تستغربي كيف القليب أصبح أسير من غير شعور بالإنكسار لكين كمان طعم العِشِق طعماً رهيب ده خليط عجيب ومزيج فريد من كل أنواع الفواكه والثمار كل القواميس واللغات والعلماء يوم إتجمّعوا ما قِدروا حتى يفسّروا ساد الوجوم وإتحسّروا قالولنا إنو السِّر هناك عند سيد قلوبنا المالكه عن سرو تب ما تسألوا وما فيش معامل في الوجود شان تمشوا ليها تحلّلوا

الخرطوم
27 /7 /2008م

حضرة الأخ الفاضل محمد..

كلمات جميلة رغم صعوبة بعضها بالهجة السودانية

إنَّما كلام العشق يفسر نفسه بنفسه..

دمت بكل خير ..