اقول ان ماكتبت الشعر في شطرين وابدعته = ترى ماني بشاعر والمشاعر مالها داعي
شطور البيت موزونه وقافي يوم ركبته= على قرع الهجوس اللي دوام(ن) تطرب اسماعي
سريت بجولة افكاري وهجس الشعر قربته =وقربت القلم لاجله وصار الشعر مطواعي
يطاوعني على كيفي وفاض القلب من كبته = زمان(ن) كاتم انفاسي وحابس جملة اوجاعي
وسني بالعمر توه وبان الشيب في نبته =غزا راسي بياض الشيب صرت بحيرة اوضاعي
اجي وقت العنا توي واروح وعالمي سبته= ولكني مع اوقات الزمن عايش بالاجماعي
وصار الحال حال اللي صدوف الدهر عذبته = شكى وقته على الباري وجات العبره ادماعي
اجيب من المفيد ابيات يوم البيت رتبته = حصيل المختصر شطرين يمكن تقنع اقناعي
=خالد عتيق النفيعي