[نجم الإبداع]

الهاجس الي ضاق وازراه تنهات=وصب فوق النار من خور زيتي
ماشاف برق النود واصدر شعاعات=متقطعات ارسانها من صميتي
أون واطفي داخل الروح حسرات=واقول يانفسي عساك ارتويتي
يانفس لولا طيبتك بالمساحات =ماطاب شعر ولا هنى لك مبيتي
الهاجس الي جابها بالمقاسات=وشبه تغير صار يرقص خبيتي
ماهو مكلف في قضاة المهمات =من ضيقته بالصدر عود كميتي
ساق الجميله ثم قام المزادات =ماقال يانفسي علي افتريتي
طاوع هوى لاهي وعنده خيارات=ليته تركد قبل يجتاح فيتي
يرمي مغمض لابدته الملمات =وان صاب ربعه قال كيتي وكيتي
ينصح وهو غاوي ويحلف بخفرات=ماهمه الشرطه وشق البشيتي
قلبتها بالراس صارت عيارات = واحترت والموقف بقوه مقيتي
اشره على الي ساقته سوء نيات=يانفس صبرك دام فيه ابتليتي
تهمه بدون اثبات والا شهادات=ضد الحروف يقول هذا صبيتي
الشاعره والشاعر اوفو العبارات=ماجاوزو درب الكرام السميتي
واهل القلوب السود واهل الظلالات=قالو وقلنا ياقلوب انشويتي
قلب اتكوى وقليب فيه انشطارات=صاحو بسرقتهم وشمة فليتي
تهدم البرجين فوق المنارات=والحق ملت نفسي اليوم حيتي
تكفون ياهل العرف هات القرارت=وان كنت انا غلطان طفيت ليتي