لاتجيني يابعد عمري واجيك=مابقى مابيننا غير السلام
ماهقيت اني بعد ذا برتجيك=انقطع حبل الموده والغرام
الله بسهر الليالي يبتليك=في حبيبك طول ليلك ماتنام
كم سهرت اليل لجلك واحتريك=احسب ان حالك مثل حالي عدام
واتضح يازين ماتبغى شريك=في حياتك ياعسى قلبك حطام
ناكر للود داله ماعليك=حاملٍ للذل في قلبك وسام
ليه حبل الود خليته سميك=واقتلب الود عندك انتقام
ليه تبيع انسان قلبه مهتويك=ماتعرف الود مافيه احترام
منك عفت الود ماني مهتويك=تركت الخداع مافيها ملام
من نسيته ياشقى حالي نسيك=يا غمامه عندي اقفت للغمام