في رحيلي اطلبك ياودّ ماتنسى الوعود=وامسك الدمعات تكفى لي بعد وقت الرحيل
لاتوريني عيونك لاتعذبني بزود=شفه مافيني كفايه والصبر مافيه حيل
القدر نمشيه دربه ما أبد عنه نحود=راضيٍ باللي انكتب لي والأسى عمره طويل
غربتي لاشك حانت كن روحي للصعود=والنفس قد ضاق فيها والجراح اللي تسيل
آه ياسهوم المنايا هزّت فوادي رعود=والحكي مكبوت فيني داخلي صوت الصهيل
خللي عيوني بعينك والنظر خله ركود=قبل مارحل غايتي أتشبع الطرف الكحيل
احفظي عهدي/ وعهدك حافظه بكل القيود=وحظنا بيزين لوهو بشوفنا دايم يميل
وانتي أتحري لقانا والفرح بعده يسود=بين يدينك تلاقي صاحبك وافي الجميل