أصحابنا يابو فهد ماهـم اصحـاب =تغــيـرو يابـو فـــهـد دون ســـــبـــه
وتبدلـت احوالهـم والغـلا غـاب=وهــــبة ريـــــاح من الجفاا فـي مهبـه
هذا الزمن يابو فهد مابـه احبـاب=الا قـــليـــل ٍ بالعــــطـاء والمحـــــبـه
احباب صـدقٍ دون لعبـه وكـذاب=ولادورو بالكــــذب فــــي كــــل شبـه
ناس لهم بالقلب واحات وهضـاب=ياكل حنيــن القلـب حـــبـه بــحبـه
كلامهـم واحساسهـم بالحـلا ذاب=ناس ٍ عـــلى الفــزعـات هــــذا مطبـه
تغنيك ائي والله عن بعض الاقـراب=وللحــــب مـعنـى بالحنايـا مــصبـه
فـي قربهـم جنـات وردٍ وعنّـاب=طعـم العـــسل مابيـــن قــشــــره ولبـه
والا الزمن محكوم في بعض الاتعاب=واوضاعنا فـي هالزمـن مستتبـه
وانا انا مع صاحبي دون الاجنـاب=ادمـــح خطــــاه وبالخـفـا مااسبـه
ان جيت له بود صـادق وترحـاب=ولجرحه الماضـي حيـــاتـه وطـــبـه
ارضيه انا بالنفس من دون الاغراب=واتحــمله مـن جّـد مااقـدر اكبـه
يعني انا ماانساه من دون اسبـاب=وابادلـه فــــي حـــــب قلـبٍ يحبـه
لأنه نهـــــايه هالعمـر حفنـة تـراب=وقبــــرٍ يضمـــــك وكـــل شـي تنبـه
خلك على وضح النقا دوم بحسـاب=وحاسب ضـــميرك بالحقيقـه وربـه
والصبر يفتح لك مع الوقت ابـواب=وتعيش في دنيــــاك مـن دون غبـه
إيـوالله انـي للغـــــلا دوم طــــلاب=ومــــن باعــنـي فالله ربــــي وربـه
اصحابنا ياللأسف ماهـم اصحـاب=تغيــــــرو يالـلأســــف دون سـبـه