[الخنساء]

المشاركة الأصلية كتبت بواسطة ناصر عبيد الهواوي

قالوا تريض وينها صملة الجاش=برد وسلام إرتاح ماهيب هوشة
قلت اسمحوا لي بكرة الصبح طراش=يا اهل المكارم والوجيه البشوشة
البال من هالوضع ضايق ومنداش=وصاب الفكر من كثرة الهم دوشة
فيه الردى ياتيك والطيب ينحاش=اصايله ماتت وعاشت اجحوشه
ابا الحصين ينفذ امره ويعتاش=والذيب معهن ما يحصل معوشة
اهل الشرف صاروا يسمون الأوباش=وكريم طي اضحت تعدد اعبوشه
اللي لضيفانه يده تفن الأدباش=حتى اعلن الإفلاس وإنهد حوشه
ماينوبه له لارصيد ٍولاكاش=والنذل يكرم لجل كثرة اقروشه
بين الرجال ينقرش الحكي نقراش=كريم بس البوك حذرا تنوشه
عنتر زمان بساعة الضيق ماهاش=برقاً الى هد القطامي مروشة
وجهه الى جا الضيف صابه تكرماش=ويقرفط الجبهة تقول امعروشة
جعله على العلبا بما يلفظ اكلاش=والا عسى غبر الليالي تحوشه

صح لسانك مليون
لاهان راسك قصيدة جزلة
سلمت ودمت بخير