[ترانيم المطر]

ياالمشاعر هزي ابيات القصيد ه والهبيها=جاوبي قلبي علا مه مايصـد ولا يلينـي
ياالمشاعر برسلك ببيات للـي يحتريهـا=وأبهم المعني وقله آنت سيـد العارفينـي
قله إن الريم وصتني وربـي لـك تبيهـا=فك رمز الحرف تلقى جملةٍ من كلمتينـي
مدري حبٍ أو هيامٍ أو جروح ما نسيهـا=جملةٍ مفعولها والفاعل أنتـه يـا ظنينـي
دور الفعل المضارع أربع حروفا إتعنيهـا=وأفهم المعنى وسيب علوم بعض السافليني
وأقلب الجمله لماضي , لا تعلـم جاهليهـا=خل فاعلها ضميـرٍ مستتـر للعارفينـي
وأعرب الجمله لمعني لا عليك ولا عليهـا=لا تبين ضمها ,,سكن الحـرف اليمينـي
وان بغيت تصير فاهم قول مدري طالعيها=ضلل الجمله وأطمس من معالمها اثنينـي
وان جهلت بهالحكايه قول والله تجهليهـا=يشهدنّ نجوم فكرك راقـي ودرك ثمينـي
ياالمشاعر جاوبيه بكـل كلمـه تذكريهـا=وعلميه إن القصيده لغز مابينـه وبينـي
ياالمشاعر سلـمِ الاوراق للـي محتريهـا=لا تأخرتي أمانه سلمـي فـي لحظتينـي