[ناصر عبيد الهواوي]

ناصحي تسلم عسى مولاك يرحم حالك=يابعد حالي فديتك ماتجيك البلوى
القلم يزلق بعض مرات ويورى لك=ان قلبي جره التيار يبي اللقوى
لاتخاف العقل باقي به وريح بالك=مثل رضوى ماتغير كان تعرف رضوى
صرت امثل بالكلام امشي على منوالك=كل ماسويت(شاركت البطولةرقوى)
صار بك سقم ٍمن الامه نسيت عقالك=وايش ينس الرجل سقم الضرس لولاه اقوى
نضرة ٍوحدة سببهاشلت له موالك=لا تزرى بي تراهي تنتقل بالعدوى
واحمد الله يوم ربي رجعك لعيالك=ماحدث بالعقل شي ولا حصل لك شقوى
مادري الدكتور بعد القاف وش سوى لك=العلاج اللي صرف لك صار ليا شكوى
كان هو للضرس قل له جعل بقعاء فالك=لو تبدل ماعلى الفكين مامن سلوى
داو قلبي مالضرسي والعلاج ومالك=من وقف بالباب بالعلة سقاني سقوى
واسفهه واطلع وقل ياشادن اضف شيالك=لاتبين ماتحتهن والله اني مااقوى
ولو هنف لك بالكلام وبالعيون اغضى لك=كان ترجع بالقليل من العقل والتقوى
ولا تكثر بالكلام اسلم يصير اشوى لك=هاليالي ماتخلي للرفاقة بقوى
وقول لو اني ذكرتك للمعنى جالك=مايبي توكيد يكفخ لو بهجس وهقوى