رد: يالله يارحمن يامعتلي العرش
اقتباس:
المشاركة الأصلية كتبت بواسطة يوسف الشقران
|
المهلي مايولي ياسنايدي
واما ليه مختار هالقافية الشاعر اوقات محتاج يثبت لنفسه ماهو للغير ومحتاج انه يعرف حدوده ومن هنا يتميز الشاعر عن غيره
وبالنسبة للموضوع قريته لكن المعذره ياخوك مالي بالاغاني لجل كذا اللحون معرفها
ولكن شيدت من جديد وشلتها على شيله وفعلا كان بها بعض الكسور ولكن ان شاء الله انها تصححت وحتى لو كان بها نظرة ثانية فلا باس احب النقد واحب استفيد
فهاذي القصيدة بعد التصحيح
يالله يـا رحمن يا معتـلي الــعـرش
ترحــم عـبادك في زمان الاباده
وتبْصِر الاعـمـى وتـنبّـه الطْـرِش
يا واحـد فـعـلـك مـا يبغي اشاده
وترزق ضعوفٍ مدورين ٍ للقـرش
يارازق العصفور بلحم الجراده
والا يـالله سـتـرك لحـامل الـكـرش
اللي شرى دنياه وضيّع حصاده
والا يالله تـشـفي مرضانا بالـفِـرْش
ومن حـان وقـتـه تلحقه الشهاده
والطاغية يارب إن تخرشه خـرش
امّا الـهـدايـة ولا نـكـبــة إبــلاده
وياجعل منهو نوانا ينهـِرش هَرش
يـلـقى مـصيـره من نهار الولاده
واللي ملى المسك في داخل الغَرْش
يالله مـن طـيـبـه ونـفـحـة بـراده
من فـوقـنـا يـرَش ويـرَش ويـرَش
رش المـزون بقيض حَرٍّ شــداده
تـبْـرِش بـنـا يارب بطاعتك برْش
نتبعه مرسولك بخصول الحماده
ومـن داخـلـه هـم بالـقـلـب عـرّش
تـمـحـيـه لا كـبّـر مـكـان الوساده
يـروى بحـياتـه من نبـتـة الشرش
ويـطـول عـمره بالفرح والسعاده
قـالهـا عـبـدالله وفــخــذه الـهـِرش
وكل شاعر ياجـب عـليه الاجاده
والمعذره القصيدة نزلتها قبل ما اشيلها او اركب شيله عليها وهنا الغلط القصايد اللي قبلها كنت اشيلها لجل اتأكد من وزنها واشيل كسورها ولكل جواد هفوه فالمعذره
وانتظر منك توجيهك وسلمت
|