لا تلعبي بالنـار تحـرق يدينـك
وتبعدك عن حب يعـزك ويغليـك
لاتلعبـي بالنـار بينـي وبيـنـك
عهد كتبنا في المحبه على يديـك
اخاف انا غيرتـك تعمـي يقينـك
واخاف من قلبي بشكـك يجازيـك
ما نيب عصفور تصيـده يمينـك
وترميه في شبك يحفظه ويلهيـك
خايف عليك الشك يحرق سنينـك
واخاف كاس الصبر يطفح ويرميك
حاولت انا اثنيـك عمـا يشينـك
واثرك قوي الباس والشك يعميـك
اخذت بعض الهرج من حاسدينـك
وشوهت حبي والعـواذل تغذيـك
وانا عرفت اللـي بشـره يعينـك
ماهوب حب لك ترى مـا يدانيـك
ناس طبايعهـا تبـي مـا يدينـك
تطعن بظهرك لو بضحكه تلاقيـك
ياواثـقٍ باللـي يغـرف لكنينـك
منهو حكى لك في النهايه حكى فيك
انا مختار النص كله
رووعه من رائع
لا هنت يالغلا