[عذب القوافي]

المشاركة الأصلية كتبت بواسطة رفيعة الشان

.

.

.

.

خليني ارتاح دام النفس مرتاحه=بالله يا كثرة التفكير خليني
شغلتْك ماغير قلب القلب وجراحه=ياليت لا من لفيتيني تداويني
صرتي لحزني بتالي الوقت قداحه=ماغير لامن تناسيته تزيديني
وان كان منتي بوقت الضيق منزاحه=تكفين خفّي وجيبي ما يواسيني
تذكّري من صدوف الوقت أفراحه=تذكري ما يهدّيني ويهديني
مشكلتي انك لبوح الروح مفتاحه=شرٍ ولا بد لي منّه يعنّيني
فاليا لحظتي بكف البال ملواحه=عودي لوكرك تهني فيه واثريني
لكن الا من لقيتي النفس مرتاحه=بالله طيري وأحسن لوتخليني

صح الله لسانك

رفيعة الشأن

نص جميل لله درك

تقديري,,,,,